👉भेंडीची लागवड यशस्वी व अधिक उत्पादन देणारी व्हावी यासाठी जमिनीची योग्य निवड आणि मशागत फार महत्त्वाची आहे. भेंडीसाठी मध्यम भारी ते काळी कसदार आणि पाण्याचा चांगला निचरा होणारी जमीन सर्वोत्तम ठरते. लागवडीपूर्वी जमिनीत खोल नांगरणी करून 2 ते 3 वेळा कुळवणी करावी, यामुळे जमीन भुसभुशीत होते आणि मुळे चांगली पसरतात. 👉लागवडीसाठी सरीवरंबा किंवा सपाट वाफा पद्धत वापरावी. ठिबक सिंचन आणि मल्चिंगची सोय असल्यास रुंद सरी पद्धती प्रभावी ठरते. मध्यम जमिनीत 45x15 सेमी आणि काळी कसदार जमिनीत 45x30 सेमी अंतरावर रोपे लावावीत, जेणेकरून रोपांना पुरेसा वाव आणि अन्नद्रव्ये मिळतील. 👉लागवडीसाठी मोनिका आणि जानकी यांसारख्या दर्जेदार वाणांची निवड करावी. या वाणांमध्ये उत्पादन क्षमता अधिक असून कीड व रोग प्रतिकारशक्ती चांगली आहे. एक एकर लागवडीसाठी सुमारे 2.5 ते 3 किलो बियाण्यांची गरज भासते. 👉योग्य पद्धतीने लागवड केल्यास भेंडीचे उत्पादन भरघोस मिळू शकते. त्यामुळे नियोजनपूर्वक आणि सुधारित तंत्रांचा वापर करणे गरजेचे आहे. 👉संदर्भ : AgroStar वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.